الاعضاء الكرام
العديد منا يشتكى من يوم ماطلعوا لنا الاكسيسات بالفيرم والشكل الجديد من خوازيق بالجملة...منها مثلا وليس حصرا:..
(1) لو 2 عملاء او اكثر على سويتش على 701 الجديد مستحيل يشتغلوا مع بعض..او يشتغل واحد او اتنين والتالت يفلق وميشتغلش نت...او الموضوع يتعكس يشتغل اللى مكنش شغال ويقف اللى كان شغال...بالرغم انه ساحب اوتواماتيك وكله تمام
(2) خطوط زرقاء تظهر فى لوج الميكروتيك لو ترجمتها هاتلاقيه بيقولك انه حاول يعطى ايبى اوتوماتيك لاحد الاجهزة ولم يفلح ولو تكرر السطر الازرق 4 مرات هايتفصل النت نهائيا عن الشبكة..
المشكلة دى منتشرة جدا جدا وملاحظينها وانا هاجييب لكم امثلة كتيرة جدا منها
صور بقى من المأسى اللى بتحصل واللى بيورد منها مشاكل بالجملة
طبعا كل المشاكل دى الشركة قامت بحل جزء كبير منها عن طريق السوفت الجديد للاكسيس 701 وانصح الجميع بترقية السوفت ده
وتستطيع الحصول على السوفت الجديد دوما من الموقع الرسمى..
الموقــــــــــــــــــــــــــــــــــــــــــــــــــــــــــع
5/28/2013
طيب دلوقت بقى نيجى لنقطة هامة جدا جدا:..
لو انا عاوز ماكات العملاء بتاعتى تظهر بدلا من ماك الاكسيس ...يعنى ايه؟!!!
يعنى انا موصل على اكسيس 4 عملاء مثلا وعاوز كل عميل يظهر بالماك ادريسيس الخاص بجهاز الكمبيوتر بتاعه مش بالماك بتاع الاكسيس ايه العمل؟!!!
الكتير قالك نظام wds
والنظام ده بالترتيب كالاتى:..
(1) نحول الاكسيس بوينت الارسال بتاعتنا البيكو او البوليت او ايا كان النظام لنظام ارسال ap wds
(2) فى الاكسيس الاستقابل اشتغل بريدج مود (نفس القناة..نفس الاسم..نفس المود..نفس الدولة)
(3) نحط ماك الاكسيس الارسال فى الاستقبال والاستقبال فى الارسال....
وللاسف الموضوع معدش بينجح فى الاصدارات الجديدة من الاكسيسات 701 وخلافه
يبقى الحل فى الاتى....
(1) حول الارسال بتاعم الى ap wds مع اهم خطوة انك تعلم على اوتو اللى جنبها زى اللى فى الصورة القادمة
الصورة من جلسة تيم مع احد العملاء للتخلص من مشكلة الماك دى
(2) العمل على الاكسيس بوينت 701 بطريقة repater+wds كما فى الصورة القادمة
نشوف النتيجة سوا
يبقى مع الدرس ده الكل استفاد وعرف المشاكل اللى بتيجى له من ايه فى السيرفر او فى الشبكة اللاسلكية...
وكمان عرفتك ازاى تقدر تجيب ماكات العملاء المربوطين معاك وليس ماك الاكسيس..
يتبقى فقط التنويه عن السوفت الجديد المحترم جدا جدا للاكسيس 741 واللى نزل قريبا وعالج العديد من المشاكل ورفع كفاءة الجهاز والاشارة
0 التعليقات: